لاہورہائی کورٹ کے فیصلے پرمریم نواز کا ردعمل

پاکستان مسلم لیگ (ن) کی مرکزی نائب صدر مریم نواز نے کہا ہے کہ پنجاب کوایک بار پھر بحرانوں میں دھکیلنے والوں کو لینے کے دینے پڑ گئے ہیں۔

مریم نواز نے سماجی رابطوں کی ویب سائٹ ’ٹوئٹر‘ پر جاری کردہ بیان میں کہا ہے کہ پنجاب کے مینڈیٹ دھاندلی سے ہتھیانے کی کوشش کرنے والے انتخاب روکنے پر بضد ہیں، اب ان کے اپنے بہت سارے ارکان اڑان بھرنے کو تیار بیٹھے ہیں۔

ن لیگ کی مرکزی نائب صدر مریم نواز نے کہا کہ حکومت ختم کرتے کرتے انہیں اپنی گنتی پوری کرنے کے لالے پڑ گئے ہیں۔

سابق وزیراعظم میاں نواز شریف کی صاحبزادی مریم نواز نے کہا کہ 2018 میں پنجاب کے عوام سے ان کا مینڈیٹ چھیننے سے لے کر فرح گوگی، بزدار، پیرنی صاحبہ، منی گالہ گینگ کے ذریعے پنجاب کے پیسے اور وسائل پر ڈاکے ڈالنے اور اب پنجاب کے عوام کا حق ان کو نہ لینے دینا، صوبے کے عوام کے لئے مشکلات پیدا کرنا، پنجاب کے خلاف فتنہ خان کے جرائم کی فہرست طویل ہے۔


subscribe YT Channel

install suchtv android app on google app store

Source link
www.suchtv.pk

اپنا تبصرہ بھیجیں