مقامی کرکٹر کا انتقال، عثمان شنواری کو ٹوئٹ کرکے خیریت سے آگاہ کرنا پڑا

لاہور(این این آئی)ٹیسٹ کرکٹر عثمان شنواری نے سوشل میڈیا پر بیان جاری کر کے اپنی موت سے متعلق افواہیں کو رد کر دیا۔سوشل میڈیا پر ایک کرکٹ میچ کا کلپ وائرل ہورہا ہے جس سے متعلق کہا جارہا تھا کہ اس میچ کے دوران عثمان شنواری دل کا دورہ پڑنے پر زمین پر گرے اور انتقال کرگئے۔ اس افواہ کے منظر عام پر آنے کے بعد خود عثمان شنواری نے سوشل میڈیا پر ایک بیان جاری کیا۔ مائیکرو بلاگنگ ویب سائٹ ٹوئٹر پر اپنے بیان میں انہوں نے کہا کہ میں بالکل ٹھیک ہوں، اللہ کا شکر ہے۔ انہوں نے یہ بھی تحریر کیا کہ میری پوری فیملی کو لوگ کی ٹیلیفون کالز آرہی ہیں۔عثمان شنواری نے کہا کہ بصد احترام، اتنی بڑی خبر چلانے سے پہلے تصدیق کرلیا کریں۔



Source link
javedch.com

اپنا تبصرہ بھیجیں