بھائی نے فائرنگ کرکے دو بڑے بھائیوں کو قتل کردیا

فیصل آباد (این این آئی)فیصل آباد میں بیرون ملک جانے کیلئے پیسے نہ دینے پر چھوٹے بھائی نے فائرنگ کرکے دو بڑے بھائیوں کو قتل کردیا، گولیوں کی زد میں آ کر بوڑھی دادی بھی شدید زخمی ہوگئی۔تفصیلات کے مطابق فیصل آباد کے نواحی علاقے کھرڑیانوالہ میں چھوٹے بھائی نے بیرون ملک جانے کے لیے بھائی سے پیسوں کا تقاضہ کیا جس پر ان میں جھگڑا ہو گیا، ملزم نے طیش میں آ کر فائرنگ کرکے دونوں بڑے بھائیوں کی جان لے لی۔گولیوں کی زد میں آکر بوڑھی دادی بھی زخمی ہو گئی، ڈاکٹرز کے مطابق زخمی ہونے والی بزرگ خاتون کی حالت بھی تشویش ناک ہے، ایس پی بلال سلہری نے کہا ہے کہ ملزم کی گرفتاری کیلئے کوششیں جاری ہیں۔