اسلام آباد (این این آئی)وزیراعظم شہباز شریف تیس جولائی کو لاہور قصور بہاولنگر موٹر وے کا افتتاح کریں گے ،اورجلسہ عام سے خطاب بھی کریں گے۔وزیر اعظم کے معاون خصوصی ملک احمد خان ایک انٹرویومیں بتایاکہ دیہی علاقوں میں موٹر وے آنے سے زراعت کے شعبے میں انقلاب آسکتا ہے، تین فیزز میں موٹروے کو بنایا جا رہا ہے،قصورسیاوکاڑہ، ساہیوال ،بہاولنگر کی زراعت کوعالمی منڈیوں تک رسائی ملے گی۔
انہوں نے کہا کہ تحریک انصاف کی بلڈنگ زمین بوس ہو چکی ہے،اورماضی کا حصہ بن چکی ہے،پی ٹی آئی انتشارکا نام ہے ،ملکی ترقی روکنے والی جماعت ہے، اس نے ملک کی سیاست کو چالیس سال پیچھے کر دیا ہے، ملکی سیاست میں نفرت کا بیج بویا اورعوام اسے مسترد کرتے ہیں۔ملک احمد خان نے کہا کہ پی ٹی آئی نے یونیفارم پر حملہ کیا معاشرت اورسیاست پرحملہ کیا،نومئی کے واقعات سائفر کی من گھڑت کہانی گھڑی گئی اوربیرونی ممالک کیساتھ دو طرفہ تعلقات اور سفارت کو تباہ کیا۔
Source link
javedch.com