شبانہ اعظمی کے نام پر کیا فراڈ ہورہا ہے؟ اداکارہ نے خبردار کردیا

بالی ووڈ کی معروف اداکارہ شبانہ اعظمی نے مداحوں کو اپنے نام پر ہونے والے ایک فراڈ کے بارے میں خبردار کیا ہے۔

شبانہ اعظمی کے سوشل میڈیا ویب سائٹ ’ ایکس‘ پر موجود آفیشل اکاؤنٹ پر ان کی ٹیم کی جانب سے ایک فراڈ سے متعلق انکشاف کیا گیا ہے۔

اداکارہ کی جانب سے جاری کردہ بیان میں خبردار کرتے ہوئے لکھا گیا، ہے کہ ہمارے نوٹس میں آیا ہے کہ کچھ دوستوں اور عزیز رشتے داروں کو محترمہ شبانہ اعظمی کے پیغامات موصول ہوئے ہیں جوکہ واضح طور پر ایک فراڈ کی کوشش ہے۔

بیان میں لکھا ہے کہ اس فراڈ میں شبانہ جی کے نام کا استعمال کرتے ہوئے دوسروں کو ایپ اسٹور سے خریداری کرنے کو کہا جا رہا ہے براہِ مہربانی آپ لوگ اس قسم کی کسی بھی کال یا میسج کا جواب نہ دیں۔

شبانہ اعظمی کی جانب سے جاری کردہ بیان میں یہ بھی لکھا ہے کہ یہ سائبر کرائم ہے اور ہم اس حوالے سے پولیس میں شکایت درج کر رہے ہیں۔