جسے اللہ رکھے اسے کون چکھے!3 روز قبل لاپتہ ہونے والا 2 سالہ بچہ گٹر سے زندہ مل گیا

کراچی(این این آئی) 3روز قبل لاپتہ ہونے والا2 سالہ بچہ گٹر سے زندہ مل گیا ، بچے کو لے جانے والے کم عمر ملزم نے بتایا 18 گھنٹے قبل اس نے گٹر کے اندر زوخان کو پھینک دیا تھا۔تفصیلات کے مطابق جس کو اللہ رکھے اس کو کون چکھے، کراچی کے علاقے شاہ لطیف ٹائون سے لاپتہ 2 سالہ بچہ گٹر سے زندہ مل گیا، محمد زو خان18 گھنٹے سے زائد گٹر میں زندگی موت کی جنگ لڑتا رہا۔

بچے کے والد صداقت نے بتایا کہ 9 تاریخ کو میرا بیٹا لاپتہ ہوا تھا، سی سی ٹی وی میں دیکھا عبداللہ اس کو لیکر جارہا تھا، عبداللہ کے ماموں نے دبائو ڈالا تو پھر اس نے بتایا۔بچے کے والد نے بتایاکہ عبداللہ نے بتایا 18 گھنٹے قبل اس نے گٹر کے اندر زو خان کو پھینک دیا تھا تاہم عبداللہ نے جان لیوا حرکت کیوں کی پتہ نہ چل سکا۔18گھنٹے کے اندر مچھروں اور دیگر کیڑوں نے بچے کا برا حال کر دیا ، والدین نے کم عمر ملزم عبداللہ کو معاف کرتے ہوئے کہا کہ میں قانونی کارروائی نہیں چاہتا ، شاہ لطیف پولیس اور علاقہ مکینوں کا شکرگزار ہو جنہوں نے مدد کی۔