امریکا میں خاتون کی جانب سے غلطی سے ایپل ائیرپوڈز کو وٹامن ٹیبلٹ سمجھ کر نگل لینے کا انوکھا واقعہ سامنے آیا ہے۔
اینڈرائیڈ اتھارٹی کے مطابق ٹینا بارکر نامی خاتون نے یہ مزاحیہ کہانی وائرل ہونے والی ایک ٹک ٹاک ویڈیو میں سنائی۔
خاتون نے وضاحت کرتے ہوئے ویڈیومیں بتایا کہ یہ واقعہ اس وقت پیش آیا جب وہ اپنے دوست کے ساتھ چہل قدمی کے لیے نکلی تھیں۔ بات چیت کے دوران انہوں نے اپنے دوست کو زیادہ واضح طور پر سننے کے لیے اپنے کان سے ایک ائیر پوڈ نکالا۔
ٹینا بارکر نے مزید کہا کہ ’اپنی چہل قدمی کے دوران، میں نے اپنے وٹامنز لینے کا فیصلہ کیا، میں نے گولی منہ میں ڈالی،ایک مشروب پیا اور پھر میں نے محسوس کیا کہ کچھ گلے میں پھنس گیا ہے۔
اس کے فوراً بعد انہوں نے مشورہ کے لیے ڈاکٹروں سے رابطہ کیا۔ واضح رہے کہ ایسا ہی ایک واقعہ 2021 میں پیش آیا تھا جب ایک اور امریکی خاتون نے ائیر پوڈ کو وٹامن ٹیبلٹ سمجھ کر کھا لیا تھا۔
Source link
www.suchtv.pk