ثانیہ مرزا کی صحرا میں اکیلے گھومنے کی تصویر وائرل، مداح افسردہ

معروف بھارتی ٹینس اسٹار ثانیہ مرزا دبئی کے صحرا میں اکیلے چہل قدمی کرتی پائی گئیں، جس کی تصاویر سوشل میڈیا پر وائرل ہوگئیں۔

فوٹو اور ویڈیو شیئرنگ ایپ انسٹاگرام پر پاکستانی کرکٹر شعیب ملک کی اہلیہ ثانیہ مرزا نے نئی تصاویر شیئر کیں جس میں وہ اکیلی سنسان بیابان صحرا میں دکھائی دے رہی ہیں۔

ان کی شیئر کردہ تصویر دبئی کے صحرا کی ہے، انھوں نے کیپشن میں لکھا کہ ’’آپ جو ڈھونڈ رہے ہیں وہ وہاں نہیں ہے۔ یہ آپ میں ہے۔‘‘

 

چند گھنٹوں قبل شیئر کی گئی تصاویر کو 40 ہزار سے زیادہ مداح دیکھ چکے ہیں اور اس پر مختلف کمنٹس بھی کررہے ہیں۔

سابق ٹینس اسٹار سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

واضح رہے کہ ثانیہ مرزا اور قومی کرکٹر شعیب ملک 2010 میں رشتہ ازدواج میں منسلک ہوئے ان کے ہاں 2018 میں بیٹے کی پیدائش ہوئی جس کا نام اذہان مرزا ملک رکھا گیا۔ وہ اکثر اپنے بیٹے کے ساتھ بھی تصاویر شیئر کرتی ہیں۔