ماضی کے مقبول چائلڈ آرٹسٹ زوہاب خان نے ساتھی اداکارہ و سوشل میڈیا انفلوئنسر وانیہ ندیم سے شادی کا اعلان کردیا۔
چائلڈ آرٹسٹ کے طور پر پاکستان کے کئی ڈراموں میں کام کرنے والے زوہاب خان نے حال ہی میں ایک یوٹیوب پوڈکاسٹ میں شرکت کی جس میں انہوں نے انکشاف کیا کہ وہ جلد ہی شادی کرلیں گے۔
22 سالہ زوہاب نے پروگرام میں گفتگو کرتے ہوئے کہا کہ ’ شادی اگلے تین ماہ یا ایک ماہ کے اندر کرسکتا ہوں لیکن میں خود چاہتا ہوں کہ اگلے تین سال تک شادی کرلوں’۔
اداکار نے کہا کہ ’میں چاہتا ہوں کہ اگلے تین سال بعد شادی کروں کیونکہ مجھے اپنے کچھ اہداف میں کامیاب ہونا ہے، اگر وہ گولز میں نے اگلے چار ماہ میں بھی حاصل کرلیے تو بھی شادی کرسکتا ہوں ’۔
زوہاب نے اس پوڈکاسٹ میں اپنی ہونے والی دلہن سے متعلق پہلی بار انکشاف کیا اور کہا کہ وہ اداکارہ وانیہ ندیم سے شادی کررہے ہیں۔
انہوں نے بات جاری رکھتے ہوئے بتایا ’لڑکی تو شادی کرنے کے لیے تیار ہے، وہ تو کہہ رہی ہے کہ کل ہی شادی کرلو لیکن میں نے اسے مشورہ دیا کہ نہیں پہلے اپنا کیریئر بنا لیں پھر شادی کریں گے، آج کل وہ ڈرامہ بھی کررہی ہیں‘۔
زوہاب نے بتایا کہ ‘میرے والد کے انتقال کے بعد بڑے بھائی اور مجھ پر جلد ہی گھر کی ذمہ داریاں آگئی تھیں، ان ہی ذمہ داریوں کی وجہ سے ابھی شادی نہیں کرسکتا’۔
وانیہ ندیم پاکستان کی معروف ٹک ٹاکر ہیں جنہوں نے حال ہی میں اداکاری کی دنیا میں قدم رکھا ہے اور وہ نجی ٹی وی چینل کے ایک ڈرامے میں کام کررہی ہیں جو کہ آن ائیر ہے۔
واضح رہے کہ نوجوان اداکار زوہاب خان پاکستان کے لیجنڈ فنکار مرحوم معین اختر کے نواسے ہیں جس کا انکشاف وہ ماضی میں دیے گئے ایک انٹرویو میں کرچکے ہیں۔
اس کے علاوہ زوہاب خان کئی پاکستانی ڈراموں میں جلوہ گر ہوچکے ہیں جن میں کاش میں تیری بیٹی نہ ہوتی، عمر دادی اور گھر والے، ممی اور وہ، میں، یہ زندگی ہے، سانس، بلبلے، پرفیوم چوک اور پنجرہ وغیرہ شامل ہیں۔
Source link
www.suchtv.pk