عثمان خواجہ نے فلسطینی بچوں کی مدد کا نیا راستہ ڈھونڈ لیا

آسٹریلیا کے کرکٹر عثمان خواجہ نے اپنے جوتے نیلام کرنے کا اعلان کر دیا۔

واضح رہے کہ گزشتہ ماہ عثمان خواجہ کو پاکستان کے خلاف ٹیسٹ میچ میں آئی سی سی نے یہ جوتے پہننے سے روک دیا تھا۔ عثمان خواجہ نے جوتوں کی نیلامی کا اعلان سوشل میڈیا پر کرتے ہوئے کہا کہ یہ نیلامی 12 فروری تک جاری رہے گی۔

انہوں نے کہا کہ اس سے حاصل ہونے والی تمام آمدنی یونیسف چلڈرن آف غزہ کے لیے ہو گی، بچوں کو آپ کی مدد کی پہلے سے بہت زیادہ ضرورت ہے۔

واضح رہے کہ عثمان خواجہ کے جوتوں پر ’تمام زندگیاں برابر ہیں‘ لکھا ہوا ہے۔

I’ve team up with @electric_wicky to bring you the Uzzy “Freedom and Equality” T shirts. All profits will be donated to the ‘Unicef Children of Gaza’ appeal ?. For those who can, please purchase to help support those who are struggling and spread the word! Link in my Bio! ❤️ pic.twitter.com/h2HOtZ7f1p

— Usman Khawaja (@Uz_Khawaja) January 16, 2024

 
یاد رہے کہ اس سے قبل آسٹریلوی کرکٹر عثمان خواجہ نے جوتوں کی پرنٹ والی ٹی شرٹ پر فلسطینوں سے یکجہتی کے نعرے درج کر کے ملبوسات بنانے والی کمپنی سے معاہدہ کیا تھا۔

عثمان خواجہ نے سوشل میڈیا پر ٹی شرٹس خریدنے کی اپیل کرتے ہوئے کہا تھا کہ اس سے حاصل ہونے والی رقم اقوام متحدہ کی تنظیم ’یونیسیف چلڈرن آف غزہ‘ کو دی جائے گی۔

عثمان خواجہ نے ’آزادی انسانی حقوق ہے‘، ’تمام زندگیاں برابر ہیں‘ جیسے نعروں کے ذریعے دنیا کی توجہ فلسطین کی طرف مبذول کروائی ہے۔