پنجاب پولیس نے مسلم لیگ (ن) کی جانب سے نامزد وزیراعلیٰ مریم نواز کو سکیورٹی فراہم کردی۔
پولیس ذرائع کے مطابق مریم نواز کو پولیس کے 4 اسکواڈ اور ٹریفک پولیس کا پائلٹ فراہم کردیا گیا ہے اور انہیں دو بلٹ پروف گاڑیاں بھی فراہم کی گئی ہیں۔
سکیورٹی آئی جی پنجاب کےاحکامات پر فراہم کی گئی ، جاتی عمرہ پر پولیس تعینات کردی گئی ہے۔
خیال رہے کہ مسلم لیگ (ن) نے مریم نواز کو وزیراعلیٰ پنجاب کا امیدوار نامزد کیا ہے اور صوبائی حکومت بنانے کیلئے اکثریت ملنے کا بھی دعویٰ کیا ہے۔
کئی آزاد امیدوار ن لیگ میں شمولیت کا اعلان بھی کرچکے ہیں جبکہ پاکستان تحریک انصاف وفاق اور پنجاب میں اپوزیشن میں بیٹھنے کا فیصلہ کرچکی ہے۔
Source link
www.suchtv.pk