پاکستانی کرکٹ ٹیم کے سابق کپتان اور جارح مزاج بلے باز شاہد آفریدی نے بھارتی مداح خاتون کی دلی خواہش پوری کردی۔
قومی ٹیم کے سابق کپتان شاہد آفریدی عالمی سطح پر مقبول ہیں ان کے چاہنے والے صرف پاکستان ہی نہیں دنیا کے ہر کونے میں موجود ہیں۔
سماجی رابطے کی ویب سائٹ ایکس پر بھارت سے تعلق رکھنے والی بھوانہ پریا درشنی نامی خاتون مداح نے ایک پوسٹ میں شاہد آفریدی کو مخاطب کر کے لکھا کہ ’صبح بخیر شاہد، میں اپنے سب سے اہم دن پر اب تک انتظار کررہی ہوں کہ آپ مجھے وش کریں‘۔
خاتون کا پوسٹ میں مزید کہنا تھا کہ کیا دوسروں کی طرح میری خواہش بھی پوری ہوگی، میں اچھی امید کررہی ہوں۔
جس کے جواب میں پاکستانی کرکٹر نے انہیں سالگرہ کی مبارکباد دیتے ہوئے کہا کہ خوش رہو۔ سابق کپتان کی جانب سے سالگرہ کی مبارکباد ملنے پر خاتون مداح کی خوشی کا کوئی ٹھکانہ نہیں رہا۔
خاتون نے ایک اور جوابی پوسٹ میں شاہد آفریدی کا شکریہ ادا کرتے ہوئے کہا کہ میرا دن اور میری سالگرہ انتہائی بہترین دن میں تبدیل ہوگئی ہے۔
Source link
www.suchtv.pk