لیجنڈری بالی ووڈ اداکار امیتابھ بچن کو سانس کی تکلیف کے بعد ممبئی کے ایک اسپتال میں داخل کرایا گیا ہے جہاں ان کی سرجری ہوئی ہے۔
بھارتی میڈیا رپورٹس کے مطابق 81 سالہ بالی ووڈ شہنشاہ امیتابھ بچن کو ممبئی کے کوکیلابین اسپتال میں داخل کرایا گیا، جہاں ان کی اینجیو پلاسٹی کی گئی ہے۔
اسپتال ذرائع کے مطابق انجیو پلاسٹی اداکار کے دل میں نہیں بلکہ ان کی ٹانگ میں کلاٹ کی وجہ سے کی گئی، اس سے قبل اس سال کے شروع میں ان کی کلائی کی سرجری ہوئی تھی۔
رپورٹ کے مطابق اداکار متعدد تقریبات میں شرکت کے دوران بے چینی محسوس کرنے کی شکایت کررہے تھے بعد ازاں انہیں اسپتال میں داخل کرایا گیا جہاں ڈاکٹرز نے انہیں آپریشن کا مشورہ دیا۔
بالی ووڈ تجربہ کار اداکار کی حالت اب مستحکم بتائی جارہی ہے اور مبینہ طور پر آپریشن کے بعد وہ بہتر محسوس کر رہے ہیں یاد رہے کہ تاہم بچن خاندان نے ابھی تک کوئی بیان جاری نہیں کیا ہے۔
Source link
www.suchtv.pk