جیکب آباد (این این آئی) رشتہ دار نے شادی کا جھانسہ دیکر لڑکی کو زیادتی کا نشانہ بنا ڈالا، لڑکی حاملہ ہوگئی، ماں کی مدعیت میں مقدمہ درج۔ تفصیلات کے مطابق جیکب آباد کے صدر تھانہ کی حدود جڑیا چوک کی رہائشی لڑکی آسیہ کو شادی کا جھانسہ دیکر زیادتی کا نشانہ بنایا گیا ہے جس کی وجہ سے لڑکی حاملہ ہوگئی، زیادتی کا شکار لڑکی کی ماں مسمات بیگم نے اپنی بیٹی کے ہمراہ وومین کمپلین سیل پہنچ کر شکایت درج کرائی
جس پر صدر پولیس نے لڑکی کو میڈیکل کے لیے سول اسپتال منتقل کیا، صدر تھانہ کی پولیس کے مطابق متاثرہ لڑکی کی والدہ مسمات بیگم نے وومین کمپلین سیل میں شکایت کی ہے کہ ہماری جوائنٹ فیملی ہے 5 ماہ قبل عمرے کی ادائیگی کے لیے گئی ہوئی تھی بیٹی پھوپھی کے گھر رہتی تھی جہاں ملزم غلام مرتضیٰ نے اسے شادی کا جھانسہ دیکر زیادتی کی جس کی وجہ سے میری بیٹی حاملہ ہوگئی ہے، صدر پولیس کے مطابق میڈیکل رپورٹ میں لڑکی 4 ماہ کی حاملہ ہے، لڑکی کے ساتھ زیادتی کے واقع کا مقدمہ اس کی ماں مسمات بیگم کی مدعیت میں ملزم غلام مرتضیٰ کے خلاف درج کیا گیا ہے ملزم تاہم گرفتار نہیں ہوسکا ہے۔
Source link
javedch.com