ناروے فٹبال کپ کی انڈر 17 کیٹیگری میں پاکستان اسٹریٹ چائلڈ فٹبال ٹیم کی کامیابیوں کا سلسلہ جاری ہے، ناک آؤٹ مرحلے میں پاکستانی کھلاڑیوں نے شاندار کارکردگی دکھا کر راؤنڈ آف 32 کا میچ جیت کر پری کوارٹر فائنل میں جگہ بنالی ہے۔
ناروے کپ میں پاکستان اسٹریٹ چائلڈ فٹبال ٹیم نے گروپ میں ناقابل شکست رہنے کے بعد پلے آف میں بھی کامیابی کے ساتھ مہم جاری رکھی اور پری کوارٹر فائنل میں جگہ بنا لی۔
راؤنڈ آف 32 کے میچ میں پاکستان اسٹریٹ چائلڈ فٹبال ٹیم نے ناروے کے شارلٹن لنڈ کلب کوپانچ ۔ صفر سے شکست دی۔
پاکستانی کھلاڑیوں نے پہلے ہاف میں ایک اور دوسرے ہاف میں چار گول کیے۔ اسٹریٹ چائلڈ فٹبال ٹیم کی جانب سے کاشف نے2، عبید اللہ، اویس اور محمد عیسیٰ نے ایک ایک گول اسکور کیا۔
پاکستان اسٹریٹ چائلڈ فٹبال ٹیم کی فتح کے بعد ناروے میں پاکستانی کمیونٹی نے جشن منایا۔ پاکستان اسٹریٹ چائلڈ فٹبال ٹیم پری کوارٹر فائنل میچ آج رات کھیلےگی۔
دوسری جانب انڈر 15 کیٹیگری میں شامل فیوچر پاکستان کی ٹیم نے بھی امریکی کلب جویا کو دو ایک سے ہراکر کوارٹر فائنل میں جگہ بنا لی ہے۔
Source link
www.suchtv.pk
