انشا کا ‘فیک’ ٹوئٹر اکاؤنٹ، شاہد آفریدی نے حقیقت بتا دی

قومی کرکٹ ٹیم کے سابق کپتان شاہد آفریدی نے بیٹی کے فیک اکاؤنٹ پر ردعمل دیتے ہوئے کہا بیٹیوں کا سوشل میڈیا پر اکاؤنٹ نہیں ہے۔

آفریدی نے سماجی رابطے کی ویب سائٹ ٹوئٹر پر بیٹی انشا آفریدی کے نام سے منسوب اکاؤنٹ کی ایک تصویر شیئر کرتے ہوئے لکھا ہے ‘ میری بیٹیاں سوشل میڈیا پر نہیں اور ان کی نقالی کرنے والے اکاؤنٹس جعلی ہیں ان کورپورٹ کیا جانا چاہیے’۔

Announcement: this is to confirm that my daughters are not on social media and accounts impersonating them are fake and should be reported, fake account? pic.twitter.com/AFKE4qQeh1

— Shahid Afridi (@SAfridiOfficial) February 6, 2023

شاہد آفریدی کی جانب سے جاری کردہ تصویر میں دیکھا جاسکتا ہے کہ انشا کے نام کے جعلی اکاؤنٹ پر 19 ہزار سے زائد فالوورز ہیں۔

واضح رہے کہ رواں ماہ شاہد آفریدی کی بیٹی انشا کا قومی ٹیم کے فاسٹ بولر شاہین شاہ آفریدی سے نکاح ہوا ہے جس کی تصویر شاہد آفریدی سمیت شاہین نے بھی ٹوئٹر پر جاری کی۔