پاکستان سپر لیگ کے آٹھویں سیزن کا ملتان میں رنگ رنگ تقریب سے باقاعدہ آغاز ہوگیا۔ ملتان کرکٹ اسٹیڈیم میں پاکستان سپر لیگ کے آٹھویں ایڈیشن کا آغاز ہوگیا، گلوکارہ آئمہ بیگ نے قومی ترانہ پڑھا۔ تقریب میں ورچوئل ریالٹی کا بھی خوبصورت مظاہرہ کیا گیا۔
سربراہ پی سی بی مینجمنٹ کمیٹی نجم سیٹھی نے اپنے خطاب میں کہا کہ آئندہ سال کوئٹہ اور پشاور میں بھی میچز کرائیں گے، پی ایس ایل نے عوام کو بہت اثاثے دیئے، اس سال 21 غیر ملکی اور 10 سے زائد مقامی کھلاڑی ڈیبیو کریں گے۔
تقریب میں ورچوئل ریالٹی کا بھی خوبصورت مظاہرہ کیا گیا۔
پاکستان سپر لیگ سیزن 8 کے میچز 4 شہروں میں کھیلے جائیں گے، مجموعی طور پر 34 مقابلے ہوں گے۔
تقریب میں ساحر علی بگا اور آئمہ بیگ نے شاندار پرفامنس دی جبکہ شے گل، عاصم اظہر اور فارس شفیع نے آفیشل سونگ پیش کیا۔
پی ایس ایل کے افتتاح کے موقع پر خوبصورت آتشبازی کی گئی، جس سے فضا رنگوں اور روشنیوں سے بھر گئی۔
Source link
www.suchtv.pk