سرفراز بطور کپتان بابر کو دوران میچ کس وجہ سے ڈانٹتے تھے؟ – Hassan Nisar Urdu News Website

لاہور: (ویب ڈیسک) پاکستان ٹیم کے کپتان بابر اعظم نے بیٹر امام الحق کی وجہ سے سابق کپتان سرفراز احمد سے ڈانٹ کھانے کا انکشاف کیا ہے۔ سوشل میڈیا پر بابراعظم کی ساتھی کھلاڑیوں کے ساتھ ایک تقریب کی پرانی ویڈیو وائرل ہورہی ہے۔ ویڈیو میں انہوں نے میزبان کے سوال کے جواب میں بتایا
کہ میں نے دوران میچ امام الحق کی وجہ سے سیفی بھائی سے بہت ڈانٹ کھائی ہے کیوں کہ امام کبھی میچ میں نہیں ہوتا تھا، کبھی کہیں گھوم رہا ہوتا تھا، اس کی باڈی لینگویج بھی ایسی ہوتی تھی تو سیفی بھائی مجھ سے کہتے تھے بابر اسے دیکھ لو۔ دوسری جانب ایک ویڈیو میں بابر اعظم نے بتایا کہ مجھ سے سب سے زیادہ حارث رؤف نے ڈانٹ کھائی ہے لیکن مجھے حارث سے پیار بھی بہت ہے۔ دوسری جانب پاکستان نے آئی ایم ایف سے مطالبات پر عملدرآمد کے لیے مانگ لیا۔ آئی ایم ایف کے مشن ہیڈ نیتھن پورٹر کی سربراہی میں وفد نے وزیرخزانہ اسحاق ڈار سے ملاقات کی جس میں پاکستان کی معاشی صورت حال پر تبادلہ خیال کیا گیا۔ مذاکرات میں سیکرٹری خزانہ حامد یعقوب شیخ، وزیر مملکت عائشہ غوث پاشا سمیت وزیر اعظم کے معاونین خصوصی طارق پاشا اور طارق باجوہ نے بھی شرکت کی جب کہ ملاقات میں نویں اقتصادی جائزہ مذاکرات کے شیڈول اور خدوخال پر تبادلہ خیال کیا گیا، اس کے علاوہ پاکستان اور آئی ایم ایف کے درمیان بات چیت میں معاشی اہداف پر بھی غور کیا گیا۔ ذرائع کے مطابق مذاکرات میں آئی ایم ایف کے وفد نے بجٹ میں اعلان کردہ فیصلوں کے مطابق بجٹ خسارہ 4.9 فیصدرکھنےکا وعدہ پورا کرنے کا کہا اور بجٹ فیصلوں کےمطابق پرائمری خسارہ جی ڈی پی کا0.2فیصدرکھنےکاوعدہ پوراکرنے کا بھی کہا گیا۔ آئی ایم ایف وفد نے مطالبہ کیا کہ برآمدی شعبےکو 110ارب روپے کااستثنا ختم کیا جائے، ایف بی آر کی طرف سے 7470 روپے ٹیکس وصولیوں کاہدف ہرحال میں پورا کیاجائے، اس کے علاوہ گردشی قرض میں خاطر خواہ کمی لائی جائے۔ ذرائع نے بتایا کہ آئی ایم ایف نے پیٹرولیم لیوی کی مد میں 855 ارب روپے وصولی کا ہدف پورا کرنے کا بھی کہا گیا، ریاستی کمپنیوں کی کارکردگی بہتر کرکے ان کا خسارہ بھی ختم کرنے کا کہا گیا ہے، آئی ایم ایف نے نجکاری پروگرام پر عمل درآمد کرنے کا کہا جب کہ آئی ایم ایف نے مالی خسارے اور نقصانات کی نشاندہی بھی کی۔ حکام وزارت خزانہ کے مطابق آئی ایم ایف نے مالی نظم و ضبط پر سختی سے عمل کرنے پر زور دیا ہے۔ حکام کا کہنا ہے کہ آئی ایم ایف نے غریب طبقے کے لیے سبسڈی کی مخالفت نہیں کی ا ور آئی ایم ایف بی آئی ایس پی کے تحت ریلیف جاری رکھنے پر بھی آمادہ ہوگیا ہے۔