اسلام آباد(این این آئی)ورلڈ ایتھلیٹکس چیمپئن شپ میں سلور میڈل جیتنے پر ایتھلیٹ ارشد ندیم کو قومی کرکٹر احمد شہزاد نے 10لاکھ روپے کا چیک دے دیا۔احمد شہزاد نے ارشد ندیم کو پاکستان کیلئے میڈل جیتنے پر مبارکباد بھی دی اور کہاکہ ارشد ندیم نے یہ میڈل جیت کر نئی تاریخ رقم کی۔
احمد شہزاد نے کہاکہ ارشد ندیم ایشین گیمز میں بھی پاکستان کیلئے میڈل جیتیں گے۔انہوں نے کہاکہ ایتھلیٹ ارشد ندیم پیرس اولمپکس میں بھی میڈل اپنے سینے پر سجائیں گے۔یاد رہے کہ ارشد ندیم نے حالیہ ورلڈ ایتھلیٹکس چیمپئن شپ میں چاندی کا تمغہ جیتا ہے اور ارشد کی یہ کامیابی ایتھلیٹکس ورلڈ چیمپئن شپ میں پاکستان کا پہلا میڈل ہے۔
Source link
javedch.com