عالمی ایتھلیٹکس چیمپئن شپ میں سلور میڈل جیتنے والے ارشد ندیم ایشین گیمز کے جیولین تھرو فائنل ایونٹ سے دستبردار ہوگئے۔
ٹانگ میں تکلیف دوبارہ ہونے کی وجہ سے ارشد ندیم نے فائنل میں شرکت نہ کرنے کا فیصلہ کر لیا۔ ایشین گیمز کا جولین تھرو ایونٹ کا فائنل کل کھیلا جانا ہے۔
ٹریننگ کے دوران ٹانگ میں تکلیف ہونے پر 26 سالہ ایتھلیٹ کا میڈیکل چیک اپ ہوا۔ ایم آر آئی رپورٹس میں پُرانی انجری کی ایک بار پھر نشاندہی ہوئی ہے۔
یاد رہے کہ رواں سال اگست میں عالمی ایتھلیٹکس چیمپئن شپ کے جیولن تھرو فائنل میں ارشد ندیم نے سلور میڈل اپنے نام کیا تھا۔ فرانس میں ہونے والے عالمی مقابلے میں ارشد ندیم جیولن تھرو فائنل میں دوسرے جبکہ بھارت کے نیرج چوپڑا فائنل میں ٹاپ پر رہے۔
Source link
www.suchtv.pk