اسمارٹ فون بنانے والی امریکا کی ملٹی نیشنل کمپنی موٹرولا نے سال 2023 کے اختتام پر اپنا سستا فون متعارف کرادیا، جسے فیچرز اور قیمت کے حساب سے مناسب قرار دیا جا رہا ہے۔
کمپنی نے موٹو جی 34 کو 5-6 انچ اسکرین جب کہ ایک ہی ہی ماڈیول 8 جی بی ریم اور 256 جی بی میموری کے ساتھ پیش کیا ہے۔
فون میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں جب کہ اس میں جدید ٹیکنالوجی کے حامل دو اسپیکرز بھی دیے گئے ہیں۔
موٹو جی 34 کو اینڈرائیڈ 14 کے آپریٹنگ سسٹم اور 5 ہزار ایم اے ایچ کی طاقتور بیٹری جب کہ 18 واٹ کے فاسٹ چارجر کے ساتھ متعارف کرایا گیا ہے۔
فون کے فرنٹ پر 16 میگا پکسل کا سنگل کیمرا دیا گیا ہے، تاہم کمپنی کا دعویٰ ہے کہ اس بار کیمرا ٹیکنالوجی کو مزید اپگریڈ کردیا گیا ہے۔
موٹو جی 34 کے بیک پر دو کیمرے دیے گئے ہیں، جس میں سے مین کیمرا 50 میگا پکسل جب کہ دوسرا 2 میگا پکسل کا کیمرا دیا گیا ہے۔
فون کو ابتدائی طور پر فروخت کے لیے صرف چین میں پیش کیا گیا ہے، تاہم اسے سال کے آخری دنوں تک پاکستان سمیت دیگر ممالک میں بھی پیش کردیا جائے گا۔
فون کی پاکستانی قیمت 39 ہزار روپے تک رکھی گئی ہے، تاہم اسے پاکستان میں پیش کیے جاتے وقت مزید سستا کیے جانے کا امکان ہے۔
Source link
www.suchtv.pk