محکمہ تعلیم خیبرپختونخوا نے اسکولوں میں موبائل کے استعمال پر پابندی عائد کردی

پشاور(این این آئی)محکمہ تعلیم خیبرپختونخوا نے اسکولوں میں موبائل کے استعمال پر پابندی عائد کردی ،محکمہ ابتدائی و ثانوی تعلیم نے ڈائیرکٹر ایجوکیشن کو مراسلہ بھیج دیا،مراسلے میں سکولوں کے سربراہان کو سکولوں میں موبائل کے استعمال پر پابندی لگانے کی ہدایت کردی۔تفصیلات کے مطابق محکمہ تعلیم خیبرپختونخوا نے اسکولوں میں موبائل کے استعمال پر پابندی عائد کردی ،محکمہ ابتدائی و ثانوی تعلیم نے ڈائیرکٹر ایجوکیشن کو مراسلہ بھیج دیا،مراسلے میں سکولوں کے سربراہان کو سکولوں میں موبائل کے استعمال پر پابندی لگانے کی ہدایت کردی۔

مراسلے میں کہاگیاہے کہ اسکول کے اوقات میں موبائل کا استعمال طلباء کی پڑھائی پر منفی اثر مرتب کرتا ہے، کلاس روم میں موبائل کے استعمال پر پابندی لگائی جائے، مراسلہ میں ادارے کے سربراہان کو تمام عملے سے صبح موبائل وصول کرنے کی ہدایت کی گئی ہے ۔ مراسلہ میں کہاگیاہے کہ ایمرجنسی کی صورت میں عملہ پی ٹی سی ایل لینڈلائین یا اسکول ہیڈ سیل سے رابطہ کریں، عملہ صرف فارغ وقت میں اپنے موبائل کا استعمال کر سکتا ہے،مراسلے میں تصاویر یا ویڈیو بنانے کے لیے ادارے کے سربراہان سے اجازت لینا لازمی قراردیاگیاہے۔