انڈین پریمیئر لیگ (آئی پی ایل) کے 17ویں ایڈیشن میں سنسنی خیز مقابلے جاری ہیں جہاں 10 ٹیمیں ایکشن میں دکھائی دے رہی ہے۔
مُلن پور میں پنجاب کنگز اور دہلی کیپیٹلز کے درمیان کھیلے گئے میچ کو دیکھنے کے لیے پنجاب کنگز کی مالک پریتی زنٹا سٹیڈیم میں موجود تھیں جبکہ کولکتہ کے ایڈن گارڈنز میں کولکتہ نائٹ رائیڈرز کا حوصلہ بڑھانے کے لیے اُن کے مالک شاہ رخ خان بھی دکھائی دیے۔
شاہ رخ خان کو ایڈن گارڈنز میں سفید ٹی شرٹ اور کالے چشمے پہنے ہوئے دیکھا گیا جبکہ پریتی زنٹا سفید کرتی اور سرخ پھلکاری دوپٹے میں ملبوس نظر آئیں۔
سنیچر کو دونوں سپرسٹارز کو ٹی وی پر دیکھ کر سماجی رابطوں کی ویب سائٹ ایکس (ٹوئٹر) پر مداح شاہ رخ خان اور پریتی زنٹا کو ایک ساتھ دیکھنے کی آرزو کر رہے ہیں۔
اس بارے میں ایکس صارف انجلی نے اپنی پوسٹ میں ویر زارا فلم کی جِف شیئر کی اور لکھا کہ ’ابھی پریتی زنٹا اور شاہ رخ خان ایسے لگ رہے ہیں۔‘
Source link
www.suchtv.pk