“میں نے کن جاہلوں میں شادی کرلی”، ثانیہ مرزا

ثانیہ مرزا ان دنوں ’دی گریٹ کپل شرما شو‘ کے باعث توجہ حاصل کر رہی ہیں تاہم اسی پروگرام کے دوران ثانیہ نے کچھ ایسا کہا ہے جو کہ سب کی توجہ خوب سمیٹ رہا ہے۔

بھارتی سابقہ ٹینس اسٹار ثانیہ مرزا کی جانب سے مزاحیہ انداز میں کچھ ایسا کہا ہے جو کہ سوشل میڈیا صارفین میں بھی تجسس کا باعث بن رہا ہے۔ کپل شرما کی جانب سے شو کے دوران ہی اداکاری کا مظاہرہ کیا جا رہا تھا جبکہ اس ڈرامے کے دوران کپل شرما ثانیہ کی بہو کے طور پر سامنے اداکاری کا مظاہرہ کر رہے تھے۔

اداکاری کا مظاہرہ کرتے ہوئے ثانیہ نے پہلے چائے پیش کی اور پھر کپل شرما سے کہا کہ ’یہ کن جاہلوں میں، میں نے شادی کر لی‘۔

ویڈیو میں دیکھا جا سکتا ہے کہ ثانیہ مرزا نے کپل شرما یعنی اپنے ساس کو چائے پیش کی، ساتھ ہی کہا کہ ’یہ لو ماں جی چائے، جس پر ساس نے کہا کہ چائے ہے یا زہر؟

اس پر ثانیہ نے جواب دیا کہ میں نے تو چائے ہی بنائی تھی، آپ کے منہ کو لگ گئی تو زہر ہو گئی ہوگی، ثانیہ کے تابڑ توڑ جواب پر حاضرین محفل بھی داد دیے بغیر نہ رہ سکے۔

ثانیہ نے آگے چل کر مزید کہا کہ ویسے بھی پی لیجیئے زہر آپ پر ویسے بھی اثر نہیں کرتا۔ اس پر کپل شرما نے کہا کہ کیسی بہو ہو؟ ساس سے زبان لڑاتی ہو؟

اس پر ثانیہ نے جواب دیا کہ شکر کرو زبان ہی لڑائی ہے، میری دوست اس کو میں لڑاؤں گی نا تو نقلی دانت بھی باہر آ جائیں گے۔