واٹس ایپ نے صارفین کی آسانی کیلئے نیا فیچر متعارف کرادیا

واٹس ایپ اپنے صارفین کو زیادہ سے زیادہ سہولیات فراہم کرنے کے مشن پر گامزن ہے، اب واٹس ایپ ایک نیا جوابی فیچر متعارف کرانے جا رہی ہے، جس کے ذریعے صارفین کو تصاویر، ویڈیوز اور جف کے فوری جوابات حاصل ہوسکیں گے۔

واٹس ایپ بیٹا انفو کی ایک رپورٹ میں اس حوالے سے آگاہی فراہم کی گئی ہے کہ یہ فیچر فی الحال اینڈرائیڈ بیٹا صارفین کے لیے میسر ہے، جنہوں نے واٹس ایپ بیٹا اینڈرائیڈ کا جدید ترین ورژن انسٹال کیا ہوا ہے۔اس فیچر کی بدولت واٹس ایپ صارفین کو بات چیت کے دوران غیر ضروری رکاوٹوں سے بچنے کا احساس بھی ہوگا۔

واٹس ایپ صارفین اگر اس فیچر کے متعلق جاننے کے خواہش مند ہیں تو واٹس ایپ اکاؤنٹ پر جائیں، کوئی بھی تصویر، ویڈیو یا جف کھولیں اور دیکھیں کہ جوابی بار دکھائی دے رہا ہے یا نہیں۔رپورٹ میں یہ بھی بتایا گیا ہے کہ صارفین کو یہ نیا ریپلائی بار اسکرین کو ہٹائے بغیر چیٹ کے اندر مخصوص میڈیا پر تیزی سے جواب دینے کی اجازت دے گا، جس سے بات چیت مربوط اور شیئر کیے گئے مواد کو بامعنی رکھا جائے گا۔