پشاور (ڈیلی پاکستان آن لائن)میڈیکل اینڈ ڈینٹل کالج ایڈمیشن ٹیسٹ 2023 کے نتائج کا اعلان کردیا گیا ۔
تفصیلات کے مطابق ایم ڈی کیٹ 2023 کے امتحان میں عذرا ریاض 200 میں سے 198 نمبر لے کر پہلی جبکہ حسیب خان نے 197 نمبر لے کر دوسری پوزیشن حاصل کی، اسی طرح تیسری پوزیشن چار امیدواروں نے 195 نمبر لے کر حاصل کی۔ جن میں منصور خان، شاہ فیصل خان، سید عقیل باچا اور عبدالرزاق شامل ہیں۔
سیف اللہ امتیاز، مقتصد خان ، سیف اللہ خالد ،حلیمہ ، انعم خان اور ثقلین خان نے 194 نمبرزکے ساتھ مشترکہ طور چوتھی پوزیشن حاصل کی۔
اعلامیے کے مطابق ٹیسٹ میں 45ہزار640 طلبہ و طالبات نے شرکت کی جبکہ امیدواروں میں کامیابی کی شرح 63 فیصد رہی۔دوران امتحان نقل کرنے پر 219 طلبہ کے پرچے کینسل بھی ہوئے۔
ایم ڈی کیٹ 2023 کے ٹیسٹ میں 110 طلبہ نے 190 سے زائد نمبر لیے، 1094 طلبہ 180 اور 189 کے درمیان مارکس لینےمیں کامیاب ہوئے جبکہ 2085 طلبہ 170اور 179کے درمیان نمبر لے سکے۔ٹیسٹ میں 20ہزار سے زائد طلبہ 100 مارکس بھی نہ لے سکے۔
Source link
dailypakistan.com.pk